Наркотик деч посна

Ты месячникыш ушнаш шонеда гын, Вконтакте «Марий Эл без наркотиков» (https:// vk.com/marielbn) группыш пурен кертыда. 26 май гыч 26 июнь марте Марий Эл Республикыште наркотик ваштареш кучедалме месячник дистанционно лиеш.


Кугыжаныш антинаркотический комитетын пунчалже почеш, кажне ийын Российыште профилактический мероприятий-влак эртаралтыт. Кызытсе пагытыште тӱшкан погынаш огеш лий, сандене месячникым Интернетыште эртарат. Мутлан, Марий Эл Республикысе МВД-н наркотикым кучылтмым тергыше управленийже Вконтакте социал кылыште «Марий Эл без наркотиков» акцийым эртара. Активист, самырык-влакын полатышт гыч специалист-влак флешмобым ыштат. Йошкар-Олан администрацийже волонтёр-влак дене пырля пырдыжеш але асфальт корнеш наркотикым шаркалыме нерген возымо-влакым кораҥдат.

Тыгак тӱрлӧ конкурс, челлендж, семинар-влак лийыт. 26 июньышто – Наркоманий ваштареш кучедалме тӱнямбал кечын – онлайн-квиз модыш эртаралтеш.
Ты месячникыш ушнаш шонеда гын, Вконтакте «Марий Эл без наркотиков» (https:// vk.com/marielbn) группыш пурен кертыда.