Татарстан кундемысе Набережный Челна олаште ты оласе марий-влакын национально-культурный автономийыштлан да «Марий сем» ансамбльлан 35 ий теммым палемденыт. Пайрем оласе «Родник» калык-влак келшымаш пӧртыштӧ эртен.
Пайремыш ятыр кугу уна толын. Ансамбльлан тауштымашан серышым да окса сертификатым кучыктеныт.
Тыгак палемденыт: «Марий сем» шке калык тӱвырам кузе чапландараш лиймым ончыктышо сай пример. Кугурак ийготан-влак веле огыл, самырык-шамычат чон йӱлен пашаш ушнат.
Тыгак Калык-влак келшымаш пӧртыштӧ сӱретче-туныктышо Марина Симонован да Алабугысо тӱвыра да сымыктыш колледжысе дизайнер-студент-влакын «Родник моего народа» выставкышт почылтын. Пашаштышт марий калыкын, «Ош Пеледыш» ансамбльын тӱвырашт, шкешотан улмышт ончыкталтеш. Алабуга олан пӱртӱсыжӧ сымыстара. Шочмо элым аралышын идалыкшылан пӧлеклталтше паша-влакат улыт.
«Мари Сем» ансамбльым 35 ияш лӱмгечыж дене саламлена!
Любовь Михайлова.
