Салтак илыш – пӧръеҥлан кӱлешан опыт, маныт. Лудшына-влак армийыште лийме жапыштым шарналтат.
Иван РЕЧКИН, фотокорреспондент:
– 1974-1976 ийлаште Еврей автономный округышто Биробиджан ола воктенысе Приамурский станцийыште служитленам. Тушто мыскара семын «урген моштем» манын каласенам, да мыйым кугурак портнойлан палемденыт. Но тиде сомыл мыланем йӧршеш келшен огыл. Лач тыгодым склад вуйлатышылан палемденыт, комсоргым ыштеныт. Военный училищыш кодынешт ыле, но ялыште илымем шуын.