Мыйын мландем «солалтен»

Пошкудем печым угыч печен да мыйын мланде участкемат «солалтен». Ондак туддене межа шотышто ӱчашымаш лийын огыл, садлан кадастр инженерымат ӱжын огынал. Но мыйын каласымем пошкудо шотыш ок нал. Мыланем мом ыштыман?

Росреестрын Марий Эл Республикысе управленийжын специалистше-влак вашештат:

Мланде участкын чекшым палемдыме огыл да ЕГРН-ыште тудын координатше шотышто сведений уке гын, ты ситуаций суд марте шуктен кертеш. Тыге ынже лий манын, кызыт кадастр пашам шуктыман. Тидлан кадастр инженерым ӱжман. Тудо чыла виса да межа планым ышта, тушто участкын границыже ончыкталтеш. Вара ты сведений ЕГРН-ыш пурталтеш. Тидыже еҥ-влакын пого шотышто праваштым аралаш полша, мланде шотышто ӱчашымаш ок лий.