Марий Элысе загслаште йӧратыше-влаклан мужыраҥме нерген документ дене пырля сертификатым кучыкташ тӱҥалыт.
Тудым «Здоровая семья – здоровый ребёнок» манын лӱмдымӧ. Тыште еш возакым чумырышо-шамычым медорганизацийлашке диспансеризацийым каяш ӱжмаш лиеш. Тидыже у ешын репродуктивностьшым аклаш полша.
Марий Элыште 2023 ийыште азам ыштыме шотышто программе пашам ышташ тӱҥалын. Тушто диспансеризаций ден ЭКО йӧн йодыш-влаклан тӱткышым ойырымо. Кодшо ийын йочам ыштен кертме шотышто диспансеризацийым 34447 еҥ (23493 ӱдырамаш ден 10954 пӧръеҥ) эртеныт. Ты тергымаш нерген уверым тичмашнек республикысе Тазалык аралтыш министерствын да Перинатальный рӱдерын сайтыштышт муын кертыда.