8 июль гыч 8 октябрь марте ВКонтакте воткылыште «Выходи за меня» всероссийский марафон эрта.
Кокымшо ий тудо эл мучко йӧратыше мужыр-влакым уша да нунын шке ӱмырыштым кылдаш шонымашым умылымо татым пайлаш темла.
Марафоныш ушнаш манын, ВКонтакте шке почмо лаштыкыште текстан постым савыктыман да шонымо семын фотом але видеом ешарыман. Тыгак участниклан #ВыходиЗаМеня да #Госуслуги хэштег-влакым ончыктыман да ВКонтакте Госуслуго тӱшкашке ушныман.
Тушко сӱаным ышташ шонышо мужыр, мужыраҥше але Госуслуги гоч ЗАГС-ыш йодмашым пуышо мужыр-влак ушнен кертыт.
Сеҥыше-влакым выходизаменя.рф. проектын сайтыштыже увертарат. Тӱҥ пӧлек — кок еҥлан Россий мучко романтике шӱлышан путешествий.