Москосо Сеҥымаш тоштер Марий Элыште илыше-влакым «Три танкиста» музыкальный флешмобыш ушнаш ӱжеш. Акцийыш изижат-кугужат ушнен кертыт, тидлан «Три танкиста» мурым мурыман.
Флешмобыш ушнаш 7 сентябрь марте Сеҥымаш тоштерын сайтышкыже https://victorymuseum.ru йодмашым колтыман да Вконтакте, Instagram соцкыллаште видеороликым вераҥдыман. Эн сай видео-влакым 12 сентябрьыште Танкистын кечынже Сеҥымаш тоштерын официальный сайтыштыже соцкыл лаштыкыште вераҥдат.