24 декабрьыште 19 шагатлан Курчак театр уна-влакым «Забытая песня» муро гостиныйыш ӱжеш. Тудым «Виктория» йоча музыкальный театр эртара.
Ты мероприятийыште республикын сулло артисткыже Эльвира Попова мура, тыгак «Виктория» йоча музыкальный театрым вуйлатыше Виктория Козицына ден тунемшыже-влак кумылым нӧлтат. Программыш 1960-шо ийласе муро-влакым чумырымо.
Муро гостиный Курчак театрын изи залыштыже эртаралтеш, сандене верым налын шуктыман. Тидлан Курчак театрын ВK-се тӱшкашкыже йодмашым ончылгоч возен колтыман.