Уфаште 21-22 мартыште «Возрождение костюмных комплексов финно-угорских народов Республики Башкортостан» научно-практической семинар эрта.
Тудо Пошкырт кундемыште илыше финн-угор калык-влакын шке костюмышт ден сӧрастарыме ӱзгарыштым арален кодымо да калык коклаш шарыме амал дене эртаралтеш.
Тушко специалист-влак дене пырля усталык шӱлышан еҥ, кидмастар-влак ушненыт.
Марий, одо да мордва секций-влак лийыт.
Марий секцийыште марлан кайыше ӱдырамашын вуйыш чийыме а́ка́й ден марий тувырым ышташ туныктат.
«Эрвел марий» РМНКА-н лаштыкше гыч фото-влак.