Моряк-влак лӱмеш


25 ноябрьыште Йошкар-Оласе Машиностроитель-влак уремыште «Военным морякам и морским пехотинцам» мемориал комплексым торжественно почыныт. Тудым теҥыз флотышто службым эртыше а моряк да пехотинец-влак лӱмеш почыныт.
Комплексым шогалтыме сомыл кеҥежымак тӱҥалын. Ты пашалан боевой действийын ветеранже Сергей Фарафонов кӱлынак пижын. Тыгак республикысе ветеран-влакын «Флагман» ВМФ ушемыштын еҥже да ДОСААФ-ын пашаеҥже-влакын надырыштым палемдыман. Комплексым шем тӱсан гранит дене ыштыме. Ты мероприятийыште Марий Элым Вуйлатыше Ю.Зайцеват лийын.