31 октябрьыште да 1 ноябрьыште Йошкар-Олаште Мер-политике рӱдерыште МЕР КАҤАШЫН форумжо лиеш.
Икымше кечын Мер Каҥашын пленумжым эртарат. А кастене «Ӱдырсий» конкурсым ончаш йӧн уло.
1 ноябрьыште Шыже форум шке пашажым умбакыже шуя. Тудо «Марий Эл» газетлан 110, «Марий книга издательстве» савыктыш пӧртлан 100, Т. Евсеев лӱмеш Национальный тоштерлан 105, Йылмым, сылнымутым да историйым шымлыше В.М.Васильев лӱмеш марий институтлан 95, «Морко мланде» ден «Шернур вел» райгазет-влаклан 95, тыгак Марий Эл Радиолан 20 ий теммылан пӧлеклалтеш.
«Мунло» интеллектуал марафон Марий Эл Республикым ыштымылан 105 ий темме лӱмеш лиеш.
Кастене тиде кугу событий денак кылдалтше «Ик ешыште» кугу концертым ончен кертыда. Тушто Россий Федерацийын калык усталык лӱмжым сулышо коллектив-влак куандарат.
Мер Каҥаш/Всемарийский Совет