Шернур район Купран ялыште 1928 ий 25 августышто шочшо пашан ветеранже А.С.Богдановалан Кугу Отечественный сарыште сеҥымылан 80 ий темме лӱмеш юбилейный медальым кучыктеныт.
Сар годым Александра Степановналан тунеммыжым кодаш пернен, ачашт фронтыш каен. Аваже нелын черланымеке, тудым да изи шӱжаржым ончен, сурт сомылкам ыштен да колхозыш пашаш коштын. Сар деч вара дояркылан, ороллан тыршен, презым ончымаште тыршен.
Тыгаяк медальым Йошкар-Олаште илыше тылын труженикше А.В.Двиняниновлан, тыгак сарын участникше-влак А.А.Неведицын ден В.П.Фёдоровалан олан мэржын сомылжым жаплан шуктышо А.Трудинов кучыктен.
Шернур район администрацийын сатше гыч да «Мэрия Йошкар-Олы» тг-канал гыч налме фото-влак.
