Шукерте огыл Нижний Новгород олаште баскетбол дене (3х3) «Оранжевый мяч» Всероссийский турнир эртаралтын.
Ты таҥасымашыште Марий Элын чапшым аралыше ӱдыр-влакын «Медведи» командыже сеҥен. Ӱдыр-влак сайын модын моштымыштым, команде дене икоян, тале да виян улмыштым ончыктеныт. Турнир пеҥгыдемден: кундемыштына талантан спортсмен-влак улыт. Нуно кугу кӱкшытан таҥасымашлашке лекташ огыт лӱд.
Йошкар-Олаште «Дружба» стадионышто 3х3 баскетбол дене кугу фестиваль 6 сентябрьыште лиеш. Тудо «лето активных» проект почеш эртаралтеш. тушко миен, спортсменна-влакын мастарлыкыштым шке ужын кертыда.