21 августышто Татарстан Республикысе Челна олаште «Ме ик пушеҥгын укшыжо-влак улына» калык усталык фестиваль лиеш.
10 шагатлан финн-угор калык-влакын вургемышт ончер почылтеш, вара финн-угор калык-влакын тӱвыра поянлыкыштым аралыме шотышто «йыргешке ӱстел» тӱҥалеш, 13 шагатлан концерт лиеш, ончышо-влакым этно-фьюжи стиль дене куандараш шонат. Пайрем годымак гастрофестиваль эрта. Тушто марий, одо, мордва да моло калык-влакын кочкышышт дене палдарат, кочкаш шолташ туныктат.