Марнетын шӱдыржӧ кӧ?

Марий Эл Республикысе тӱвыра, печать да калык-влакын пашашт шотышто министерстве марий сайт-влак коклаште «Звёзды Марнета» конкурсым увертарен.

Тиде Интернет-дневник, тӱшка але блог лийын кертыт. Эн тӱҥжӧ – марла савыкталтше лийшаш. Паша-влакым тыгай номинаций дене аклат: «Кугыжаныш власть органын эн сай сайтше», «Тӱвыра учреждений, образовательный организаций-влакын эн сай сайтышт», «Печатный СМИ-н эн сай сайтше», «Тӱвыралан, сымыктышлан, историйлан, йӱлалан пӧлеклалтше тематический сайт», «Эн сай авторский Интернет-дневник (блог, микроблог), Интернет-сообщество». Йодмашым тений 1 сентябрь гыч 1 ноябрь марте Йошкар-Ола, Кремлёвский урем, 41 адрес дене але pressa_mincult12@mail.ru адресыш колташ лиеш.