Российыште «Мама и дети в национальных костюмах» фотоконкурс нылымше гана эртаралтын. Тушко пӱтынь элна гыч ятыр фото пурен. Кодшо кечылаште 50 сеҥышым ойыреныт. Нунын радамыш Марий Элысе Шернур район Чылдемыр ялыште илыше Альбина Семёноват логалын. Тудо, марий вургемым чиен, Алексей эргыже да Юлия ӱдыржӧ дене пырля сниматлалтын.
Сеҥыше-влакым 10 октябрьыште Москошто «Женщина третьего тысячилетия» тӱнямбал форумышто саламлаш тӱҥалыт.