«Марий вургем пайрем унала ӱжеш»

«Российысе калык-влакын национальный костюмышт» фестиваль-конкурсын «Марий вургем пайрем унала ӱжеш» ик этапше тений 28-30 октябрьыште Йошкар-Олаште эртаралтеш.

Конкурс шке калык вургемым аклаш, йӧраташ да шымлаш кумылаҥдыме шонымаш дене ышталтеш. Тыгак кидмастар-влакымат палемдаш да умбакыже вияҥдаш полша.

Конкурсыш 24 регион гыч 200 утла участник толшаш. Торжественный ужаш 29 октябрьыште В.И.Ленин лӱмеш тӱвыра полатыште лиеш.