Марий митрополийын кусарыше комиссийжын ямдылыме у фильмыште Волжский районысо св. Гурий лӱмеш черкым Дивеево гай ойыртемалтше кундем семын таҥастарен ончыктымо. Протоиерей Николай Чузаев, иерей Сергий Петров (Юмылан служитлыме пашам ты черке гыч тӱҥалыныт) да молат ты вер-шӧрын сӧраллыкше, тыште посна куанле святой шӱлыш озаланыме нерген каласкалат. Еҥ-влакат тидым шижыныт, сандене тышке толшо калык эре шуко. Кажныже тыште чон ласкалыкым муэш.
«Марий кундемын Дивеевыже» лӱман фильмым Алевтина Таныгина ямдылен, оператор да монтаж пашам Михаил Иванов шуктен, текстым М.Шкетан лӱмеш театрын артистше Иван Соловьев лудеш.