10 февральыште Йошкар-Олаште кугыжаныш марий йылмым тунемме курсын у тургымжо тӱҥалын. Тений тушко 110 наре еҥ ушнен.
Тыгай курс-влак 2022 ий гыч эртаралтыт, тунеммылан оксам тӱлыман огыл. «Мари Ушем» мер организацийын вуйлатышыже В.Петровын палемдымыж почеш, занятийлаш тӱрлӧ профессийыште тыршыше да тӱрлӧ национальностян еҥ-влак коштыт: марий, татар, руш, белорус, француз да молат. Курсыш коштшо-шамыч марий калыкын тӱвыраж дене палыме лийыт, тӱрлӧ вере экскурсий дене лектын коштыт.
«Мари Ушем» организацийын архивше гыч налме фото.