манеш «Марий Эл» ГТРК-н корреспондентше Муса Моллачиев.
Рушла чаткан кутырышо авар рвезе тиде пашаш ик ий ончыч толын, кажне уверым тудо сайын да оҥайын ямдылаш тырша.
МАРИЙ-ВЛАК КОКЛАШТЕ
Муса авар рвезе гынат, вес йылме-влакым кумылын тунемеш. Марла йодышлан тудо марла вашешташ тырша. Азербайджанлат кутырен мошта. Шукерте огыл араб йылмым тунемаш тӱҥалын, кызытеш лудын да возен мошта. Ончыкыжым татар йылмымат сайын
тунем шунеже.«Марий-влак нерген мый икымше гана йочасадыш коштмо годым пален налынам,
тунамак вургемыштым, тӱрлӧ арверыштым ужынам. Визымше классыште тунеммем годым марий йылме урок эрташ тӱҥале. Туныктышем Людмила Иосифовна мыйым вес йоча-влак коклаште эре пример шотеш
конден. Вет мый марий омыл гынат, йылмым куанен тунемынам.
Икана эсогыл почеламутымат марла возенам. Аттестатыштем марий йылме дене
«визытан» лектын.
«Территория согласия» межнациональный форумым почмо годым.
Муса – тӱрлӧ шӧрынан айдеме. Тудо сайын кушта, мура, еҥ-влак дене вашкылым вашке муын мошта. Авар калык йӱлам гына огыл, йыгыре илыше вес калык-влакынат йӱлаштым куанен шымла. Чыла моштымашыжым рвезе корреспондент пашаштыже кучылтеш, санденак «Шке верем муынам» манеш тудо.
Муса Моллачиев нерген материалым кумданрак газетыштына лудын кертыда.