10-15 июльышто Килемар кундемысе «Раздолье» туристический комплексыште марий йылме лагерь эртаралтеш. Лагерьын программе икмыняр ужаш гыч шога.
Марла мутланаш шонышо-влаклан кок группым чумыреныт: марий йылмым палыдыме да марла сайны мутланыше-влаклан. Урок-влакым Наталья Венина вӱдаш тӱҥалеш.
Тыште тыгак тӱрым тӱрлаш туныктат, марла мураш да кушташ кумылаҥдат. Лагерьыште футбол, волейбол дене модаш да йӱштылаш жап лиеш. Марий тӱвыра дене палдараш эксперт-влакым ӱжыт. Кас программе тыгак поян лийшаш: концерт, пырля сценкым модын ончыктымаш да тулеч молат.
Марий йылме лагерьыш палемдыме ссылке почеш ушныза: https://docs.google.com/forms/d/e/1FAIpQLSf9tNz__HviVgYo4NRhuomfQ5vm4JPlcGGN2Ur3ZhnyqX8mLg/viewform