Шушаш кугарнян МЭТР телеканал СВО-шко Ачамландынам шке кумылын аралаш кайыше мемнан герой-влаклан пӧлеклалтше кугу телемарафоным эртара.
Тушто 7 шагат эр гыч 17 шагат кас марте ветеран да волонтёр-влак дене кутырымашым, СВО участник-влакын ешыштлан кугыжаныш полыш нерген, республикыштына илыше-влакын салтак-шамычлан полышым пуен шогымышт нерген ончен кертына. Вияш эфирын тӱҥ унаже Марий Элым Вуйлатыше Юрий Зайцев лиеш. Эксклюзив интервью, событий верла гыч шкешотан кадр-шамыч да эсогыл фронтысо муро-шамыч денат зритель-влакым палдарат.