19-26 апрельыште Марий Элыште балет артист да хореограф-влак коклаште «Классичесский танец» номинацийыште Российысе конкурс лиеш. Э.Сапаев лӱмеш опер да балет театрын сценыштыже 80 наре конкурсант мастарлыкшым ончыкташ тӱналеш.
Конкурсын ты номинацийже классический балетын да академический сымыктышын йӱлажым арален кодаш келыштаралтын. Тыгак тудо балет артист-шамычын тӱнямбал конкурсыштлан ямдылалташ сай йӧным ышта. Конкурсын лауреатше-влак тушко тӱрлӧ ойырымаш гоч эртыде ушнен кертыт.
freepik сайт гыч налме фото.