Москваште «Педагогический дебют-2025» 20-шо юбилейный Всероссийский конкурсышто сеҥыше-влакым увертареныт. Йошкар-Оласе Т.И.Александрова лӱмеш 11-ше №-ан лицейыште англичан йылмым туныктышо Дарья Вениаминовна Смирнова «Самырык туныктышо-влак» номинацийыште лауреат лийын.
Конкурсын финальный мероприятийлаштыже Элнан 57 субъектше гыч чылаже 200 утла самырык педагог да нунын наставникышт ушненыт.
Дарья Вениаминовнам наградыж дене саламлена да тиде суапле да моткоч кӱлеш пашаште у сеҥымашым тыланена! Мемнан туныктышо-влак всероссийский конкурслаште икымше гана веле огыл чапле результатым ончыктат, тидыже мемнан регионышто образованийын качествыжым да республикысе педагогический составын кӱкшӧ квалификацийжым эше ик гана пеҥгыдемда.