Марий Эл гыч ныл студент «ПервопроХодец» конкурсный трекыште сеҥышыш лектын. Ты мероприятий «Россия – страна возможностей» президентский платформыш пурышо Российысе студент-влакын «Твой Ход» проект кышкарыште эртаралтеш.
Ты конкурсный трек ӱдыр-рвезе-шамычлан студент пагытыштак шке верым муаш, элнан молодёжный политикыж нерген утларак пален налаш йӧным ыштен. Сеҥышыш лекше 200 участник коклаште – Поволжский кугыжаныш технологический университетын студентше-влак Наталья Исмакова, Алексей Коновалов, Павел Щеглов да Марий кугыжаныш университет гыч Лейли Караева.
«ПервопроХодец» да «Делаю» конкурсный треклаште сеҥыше-влакым Москошто «Россия» национальный рӱдерыште «Твой Ход – 2024» Российысе студенческий форум годым саламленыт.