7-14 октябрьыште «Твой ход» студент-влаклан конкурсын Юл кундем федерал округышто полуфиналже лиеш.
Тудым «Россия – страна возможностей» президентский платформо эртара. Мерпориятий Озаҥ олаште физический культур, спорт да туризм Поволжский кугыжаныш университетыште лиеш. Конкурсын полуфиналышкыже Юл кундем ФО-со кажне регион гыч 1600 студент лектын. Марий Эл гыч тушко 8 еҥ каен. Сеҥыше-влак ноябрь тӱҥалтыште пале лийыт.