Марий Эл – эн сылне вер

Эре паша, паша, южгунамже йырым-йыр улшо моторлыкымат ончаш жап уке. А Марий Элыштына сылне вер, чынжымак, шуко, торашке кайымат огеш кӱл. Газетнан 30 ияш лӱмгечыже вашеш меат коллектив дене пӱртӱсыш лекна. Изи Какшан эҥерыште пуш дене ийын коштна. Пуш гыч Йошкар-Олан Изи Какшан эҥер серже, чынжымак, моткоч сылнын коеш.

Пагалыме лудшына-влак. А те Марий Элыште могай ямле верлаште лийында? Фотом редакцийыш колтыза, ты вер нерген изирак текстым возыза. Кум эн оҥай пашан авторжылан пӧлек лиеш. Фото-влакым сентябрь мучаш марте вучена.