Ижевск олаште Йылмым да тӱвырам туныктымо методике дене Россий кӱкшытан олимпиаде эртен. Тушто МарГУ-н студенткыже кокымшо верым налын.
Удмурт кугыжаныш университетын йылме да литератур институтшо 11-ше гана тыгай олимпиадым эртара. Тушто МарГУ-н студентше-влак тылеч ончычат сеҥышыш лектыныт улмаш. Ты ганат ойыртемалтыныт.
Татьяна Смирнова Йот йылме факультетыште нылымше курсышто тунемеш. Ӱдыр англичан йылмым туныктымо методике дене жюрим ӧрыктарен сеҥен.
Икымше верыш Москосо М.В.Ломоносов лӱмеш Москосо университетын студентше лектын.