Мӱшкыран ӱдырамаш медорганизацийыш ондакрак учётыш шогалеш гын, кажне тылзын пособий тӱлалтеш.
Тыгодым ешын доходшо илен лекташ ситыше эн изи кугыт (12250 теҥге) деч шагалрак лийшаш. Пособийым налаш йодмашым ӱдырамаш кум тылзаш (12 арня деч ондак огыл) мӱшкыран улмыж годым возышаш. А учётыш 12 арня шумо марте шогал шуктышаш. Мӱшкыран улмын 12-шо арняш гыч азам ыштыме марте оксам тӱлат. Пособийын кугытшо – илен лекташ ситыше эн изи кугытын пелыже – 6667 теҥге.
Тений ий тӱҥалтыш гыч кундемыштына илыше 4189 мӱшкыран ӱдырамашлан пособийым тӱлаш палемдыме лийын. Кызыт 949 еҥ налеш. Чылаже 43 миллион теҥгем тӱлымӧ.