Шошо толмеке, мӧр йыраҥым эрыктена, варажым ӱяҥдышым пуэна. Тудым шке гыч ышташ лиеш.
- Тургыж – эн сай ӱяҥдыш. Тудым мӧр йыраҥ коклашке шавыман. Тиддеч ончыч мландым пушкыдемдыман, мӧр радам коклашке терысым да тургыжым шавыман.
- Май мучаш гыч июнь тӱҥалтыш марте мӧрыш ломыжым шаваш сай. Тушто калий, кальций, магний улыт. Нине пайдале элемент-влак кушкыллан кушкашыже, пеҥгыдемашыже полшат.
Ломыжым кушкыл йыр опташ да йыраҥыш вӱдым шаваш але посна растворым ышташ лиеш. Тидлан 1 литр шокшо вӱдыш 1 стакан ломыжым пыштыза да йӱкшаш шындыза. Варажым 9 литр вӱдыш ты растворым ешарыза. Кажне квадратный метр кумдык мӧрлан 1 литр ломыж вӱд кӱлеш.
- Минеральный ӱяҥдыш-влакым кучылташ пайдале. 10 литр вӱдыш 1 кугу совла аммиачный селитрым пыштыза да кажне вондыш 500 мл дене оптен кайыза. 10 литр вӱдыш 1 кугу совла мочевиным ешарыза да кажне кушкыл йымак 300 мл дене шавыза.