«Кугарня» газет
Йöратем мый «Кугарня» газетым,
Тый еҥгатым от вучо тыге.
Пӱтыраш ом тӧчö сигаретым:
Сулык – шикшыш савыраш тӱрген.
Почто яшлык гыч руалте веле –
Шыргыжеш ӱмбачше кö-гынат:
Я сӱретче, мурызо я фельдшер,
Я салтак, студент я музыкант.
Кажне лаштык муын шкенжын вержым:
«Илыш йогын», «Ой, йöратымаш»,
«Сылнылык тӱня», «Арнян вӱршерже»,
«Шинчымаш кугорнышто», «Саман».
Самырык-влаклан газет, сандене
Я «Улам мый Рвезылык!» манеш,
Але ӱдыр-каче гай йӱк дене
«Мыланна латкудыт» йоҥгалтеш.
Такшым огыт мондо мемнаматыс:
«Илыш мундырам» лудаш темлат.
«Серыш… Серыш…» тыланда лач, – маныт,
Лудын кертыда «Марий йӱлам».
Поч омсам «Изи-кугу тӱняшке» –
Тул воктен ия тӱшка вуча.
Йӱдым ит кошт мушкылташ мончашке–
Руалтен куча Монча коча.
Теве эн шеҥгел пытартыш лаштык,
«Кугарнян кастене», тыш ӱжеш:
Калык пале, кечышот, рекламе,
Юбиляр шыман пеш ончалеш. «
Воштылаш, товатат, сулык огыл»,
«Йöратымашын уло юзо вий»,
Марий модыш фестиваль – ит шогылт,
Ончо, ушно, пайремлашке мий.
«Кугарня» газетым чылт уна гай
Вич тӱжем нар суртышто вучат.
Эдуард Аркадич Иманаев
Коллективым ачалак куча.
Ӱшанем мыят: шӱкшак ведрашке
Кудалташ ода тошт газетнам,
Вет тоштер кажне экземплярже,
Калыкнан историйжым ашна.
Николай ЗОЛОТАРЁВ. Кужэҥер район, Ӱштымбал ял.