Личный кабинетышкыже «ирен» пуреныт

Йошкар-Олаште илыше 64 ияш пӧръеҥлан Госуслуги портал да банк пашаеҥ-влак лӱм дене йыҥгыртеныт да порталысе личный кабинетышкыже «ирен» пуреныт, счётшо гыч оксам шолыштнешт манын палдареныт. Тидым чактараш пӧръеҥлан оксажым счёт гыч налаш да лӱдыкшыдымӧ счётыш колташ темленыт. Пӧръеҥ тыгак ыштен да 750 тӱжем наре теҥге деч посна кодын.

Йошкар-Олаштак илыше 59 ияш пӧръеҥ 500 тӱжем наре теҥгелан ондалалтын. Тудлан мошенник-влак силовой структур пашаеҥ лӱм дене йыҥгыртеныт, палдара Марий Элысе МВД.