Марий Элыште утарыше ведомствын личный составышкыже самырык лейтенант-влак ешаралтыныт
Россий МЧС-ын Ивановысе пожарно-спасательный академийжым да Россий МЧС-ын Пожар ваштареш кучедалме кугыжаныш службыжын академийжым тунем пытарыше 4 лейтенант Марий Элыш пашаш толыныт.
У пашаеҥ-влакын теорий шинчымашыштым да практикыште моштымашыштым тергеныт. Тӱҥжӧ физический ямдылалтмашышт лийын. Выпускник-влак писылыклан боевой вургемым чиеныт, нормативым сдатленыт, капыштым турникыште нӧлтеныт да куржталыштыныт. Психологический ямдылалтмашым тергаш тул полосам эртеныт.
МЧС Республики Марий Эл тг-канал гыч налме фото-влак.