Перинатальный рӱдерыште врач-неонатолог, реаниматолог да педиатр-влаклан конференций эртаралтын. Тушто бронхолёгочный дисплазий черан йоча-шамычым эмлыме, жап деч ончыч шочшо аза-влакын респираторный инфекций деч профилактикым эртарыме нерген каҥашеныт.
Марий Элыште 7 процент аза жап деч ончыч шочеш. Тений 8 тылзе жапыште, мутлан, 32 тыгай йоча шочын. Нунылан аза-влаклан реанимаций да интенсивный терапий отделенийын, аза-влакын патологийышт да жап деч ончыч шочшо аза-влакым ончымо отделенийын специалистышт полышым пуэныт.
Конференцийыш толшо-влак тыгай йоча-шамычын респираторный чер шотышто осложнений лийын кертме лӱдыкшым иземдыме нерген ойленыт. Вара Перинатальный рӱдерын врачше-шамыч дене пырля аза-влакын реанимаций отделенийыштышт обходым эртареныт. Специалист-влак тыгай аза-влакым эмлыме тактике шотышто каҥашеныт, вет уло республик гыч шукыж годым лач Перинатальный рӱдерыш неле черан шочшо аза-влакым кондат.
Марий Элысе Тазалык аралтыш министерствын сайтше гыч налме фото.