12 июнь – Марий Эл Республикысе тӱвыран сулло пашаеҥже, поэт, кусарыше В.М.Пановлан – 85 ий.
Марий Эл Республикысе сулло тренер, спорт мастер В.С.Ненашкинлан – 70 ий.
Марий Эл Республикысе сулло чоҥышо, Йошкар-Олан икымше мэрже (1991-2000) В.В.Козловлан – 70 ий.
Марий Эл Республикысе тӱвыран сулло пашаеҥже, В.Х.Колумб лӱмеш юношеский библиотекым 1990-2010 ийлаште вуйлатыше Т.А.Жаботинскаялан – 65 ий.
13 – Марий Эл Республикысе сымыктышын сулло пашаеҥже, музыковед И.В.Яшмолкиналан – 75 ий.
14 – Текстиль ден куштылго промышленностьысо пашаеҥ-влакын кечышт.
Миграций службо пашаеҥ-влакын кечышт.
Звенигово район Шемшӱргӧ ялым ыштымылан – 465 ий.
16 – Марий Эл Республикысе тӱвыран сулло пашаеҥже, ик жап Марий тӱвыра рӱдер вуйлатышын алмаштышыжлан ыштыше Р.А.Юрьевалан – 60 ий.
«Душа народа» премийын лауреатше, Морко район Чодраялысе «Тӱрлемӱдыр» студийым вуйлатыше М.Т.Васильевалан – 55 ий.
17 – Марий автономийысе трактористке-тысячнице-влак кокла гыч иктыже, Марий Турек районысо «Просвет» колхозын стахановкаже, РСФСР Верховный Советын I созывшын район деч икымше депутатше М.М.Попован (Любимова) (1915-1965) шочмыжлан – 105 ий.
РСФСР кугыжаныш премийын лауреатше, Кугу Отечественный сарын участникше, поэт, писатель Л.В.Решетниковын (1920-1990) шочмыжлан – 100 ий.