29 октябрь – Автомобильный да оласе пассажир транспорт пашаеҥ-влакын кечышт.
Марий литературым негызлыше-влак кокла гыч иктыже, писатель, журналист, мер пашаеҥ М.Шкетанын (Я.П.Майоров) (1898-1937) шочмыжлан – 125 ий.
30 – Политический репрессийлан кӧра колышо-влакым шарныме кече.
31 – Кугу Отечественный сарын участникше, Чап орденын тичмаш кавалерже М.И.Клешнинын (1918-1981) шочмыжлан – 105 ий.
Кугу Отечественный сарын участникше, Совет Ушем Герой И.Г.Отмаховын (1923-1945) шочмыжлан – 100 ий.
Октябрьыште Марий куснылшо театрын сценыштыже С.Г.Чавайнын «Мӱкш отар» пьесыжым шындымылан 95 ий темеш.