Модельный книгагудо конкурсышто Марий Элысе ныл библиотеке сеҥыше тӱшкаш логалын.
Учреждений-влакым уэмдыме пашалан федеральный бюджет гыч 25 миллион теҥгем ойырымо. Полыш окса дене книгагудо фондым уэмдат, у оборудованийым да мебельым налыт.
Тиде паша «Культура» нацпроект почеш ышталтеш. 2021 ий мучаш марте Звениговысе книгагудо, Медведевысе йоча книгагудо, Моркысо централизоватлыме библиотеке системын йоча книгагудыжо, Йошкар-Оласе 25-ше No-ан книгагудо негызеш кызытсе жаплан келшыше книгагудо-влак почылтыт.