Кызытеш «мӧҥгысӧ арест», а вара…

Марий Эл Республикысе МВД-н наркотикым кучылтмым тергыше управленийже оперативно-разыскной мероприятийым эртарымыж годым Йошкар-Олаште илыше 35 ияш пӧръеҥым кучен. Тудо айлен илыме пачерыштыже синтетическо-наркотический аярым ямдылен да Интернет йӧн дене шаркален. Пӧръеҥын аважын гаражыштыже полиций пашаеҥ-шамыч шинчалыкым, респираторым, перчаткым, ацетоным верештыныт.

Тыгак пачерыштыже моло паша арвержым, банк картым (тушто 200000 теҥге лийын) да 320 г ямде аярым муыныт. Кызыт пӧръеҥ «мӧҥгысӧ арестыште» шинча. Тудлан РФ УК-н 228.1.4-ше (Незаконное производство, сбыт или пересылка наркотических средств, психотропных веществ или их аналогов, а также незаконный сбыт или пересылка растений, содержащих наркотические средства или психотропные вещества, либо их частей) да 30.3-шо (Приготовление к преступлению и покушение на преступление) статья-влак почеш мут кучаш логалеш.

Наркотический веществам шаркалыше-влак нерген уверда уло гын, (88362) 68-00-00 номер дене йыҥгыртыза.