Квиз модышышто сеҥенна

Шукерте огыл ме, Шӱргыял школысо «Марий сылнымут садвечыште» кружокнан эн чолга тунемшыже-влак, Моркышко квиз модышышко миен коштынна. Тудо Марий тиште кечылан пӧлеклалтын ыле.

Ме «Марий тамга» команде лийынна. Модыш ныл ужаш гыч шоген: «Марий тиште кече», «Марий пайрем», «Марий сылнымут» да «Мыскара тӱня». ИКН урокышто марий пайрем-шамычым тунемына, школыштынат эртарена, садлан мыланна тиде ужашыште куштылго лийын. Квиз модышышто ме эн шуко баллым погенна. «Единый Россий» партий мыланна чапле пӧлекым кучыктен.

Дмитрий Егоров, Шӱргыял школысо «Рвезе тукым» йоча ушемын дружине председательже.

Снимкыште: Моркышто эртаралтше квиз модышышто сеҥыше Шӱргыял школын «Марий тамга» командыже.