Сад-пакчазе-влак нашатырьым мландым азот дене пойдараш кучылтыт. Но аммиак кушкыллан эҥгекым кондышо тӱрлӧ копшаҥге дечат утлаш полшен кертеш. Адакшым аммиак дене саска кушкын шумо пагытыштат пайдаланаш лиеш.
Кияр ден шере пурысыш шаваш тыгай растворым ямдылаш лиеш. 10 литр вӱдыш 50 мл аммиакым да тыгыде тёрко гоч колтымо озанлык шовыным (нылымше ужашыжым) варыза. Растворым ныл кечылан ик гана пульверизатор дене шыжыктыза.
Роза вондышто тлям пытараш манын, кок кугу совла аммиак растворым ик литр вӱдыштӧ варыза, тушко кок кугу совла вишкыде шовыным, 8 литр вӱдым ешарыза да сайын лугыза. Тыгай вартышым кушкылыш арнялан ик гана шыжыктыман.
Авторын фотожо.