30 ноябрьыште Т.Евсеев лӱмеш Национальный тоштерыште «Исследователи марийской флоры» ончер почылтын.
Тудо МарНИИЯЛИ-н Марий кундемын флорыжым шымлыме шотышто геоботанический экспедицийжылан 90 ий теммылан да учёный-флорист, Марий Эл Республикысе наукын сулло пашаеҥже Н.В.Абрамовын шочмыжлан 80 ий теммылан пӧлеклалтеш. Ончерыште тоштерын фондшо гыч фотографий, научный паша, гербарийым погымо ӱзгар ден образец-влак да молат улыт.