Урал кундемыште илыше Роза Ярмиева шке суртыштыжо марий тӱвыра дене кылдалтше тоштерым почын.
Кидмастар Свердловск область Юва селаште ила, марий йылмым да йӱлам сайын пала. 2001 ийыште тудо курчаклан икымше марий сынан тувырым урген. Кызыт уста ӱдырамашын тыгай чиеман 100 утла курчакше да 80 сурводыжшо улыт.
«Вургемым да арверым вес ялла гычат кондат. Икмыняр жап ончыч Марий Эл гыч ик ӱдырамаш олыкмарий-влакын тувырыштым мыланем колтен», – каласкала Роза Ярмиева.
Кумданрак тыгай оҥай тоштер пӧрт нерген «Уральский меридиан» увер агентствын лаштыкыштыже лудын кертыда https://ural-meridian.ru/news/353499/