(Фотошто тÿҥалтыш класслам туныктышо Л.Алексеева ден тунемшыже Е.Петрова)
Йошкар-Оласе 2-шо номеран школышто Марий Элын 100 ияш лÿмгечыжлан пöлеклалтше ятыр мероприятий лийын. Йоча-влак марий сылнымут мастар-влакын почеламутыштым рушла да марла йоҥгалтареныт.
(Фотошто 3-шо классыште тунемше Е.Петрова ден А.Данилова)
Кум кече шуйнышо марафонышто 1-6-шо класслаште тунемше 396 йоча почеламутым сылнын лудын. Тыгак тунемше-влак тÿрлö кидпаша ончерым шкеак погеныт, шочмо-кушмо эл нерген сÿретым сÿретленыт, пырдыжгазетым луктыныт да «По страницам республики» викториныште вийыштым тергеныт. 3-шо классыште тунемше Ариана Данилова шиялтыш дене шокталтен, пайремым сöрастарен. Йоча-влаклан шуко информаций у лийын. Но тидыже шочмо верна нерген шукырак пален налаш, тудым эшеат шымлаш веле кумылаҥда.
(Фотошто воспитатлыме паша шотышто директорын алмаштышыже Т.Гребнева ден 3 А классыште тунемше А.Данилова)
Йошкар-Оласе 2-шо №-ан школышто
тÿҥалтыш класслам туныктышо
Людмила Алексеева.