КУМШО ВЕР ДЕНЕ!

 

16-18 августышто Коми Республикысе Сысольский районышто II этнофольклорный молодёжный фестиваль эртаралтын. Тушко Марий кундем гыч «Эр ӱжара» ансамбль миен коштын.

Ты ансамбль Советский район Кужмарий тӱвыра пӧрт пелен пашам ышта. 20 участник уло, а тора кундемыште 13 еҥ лийын. Участник-влак сорокан марий да весела улмыштым гармонь-тӱмыр почеш мурен куштен ончыктеныт. А конкурсный пашашт «Ӱярня лӱшка» хореографический сӱрет лийын. Ты пашалан III степенян дипломым кучыктеныт. Тыште тӱрыс ансамбльын, тудым вуйлатыше А.Пуртовын, хореограф М.Назарован, режиссёр-постановщик В.Ефремован надырышт нерген ойлыман. Коллективыште Кужмарий школын тунемшыже-влак улыт. Самырык тукымым воспитатлымаште тысе школ ден тӱвыра пашаеҥ-влак пырля  тыршат.