Йошкар-Олаште «Большие звёзды светят малым» футбол фестивальын отборочный этапше кумшо гана эртаралтеш. Спорт пайремын организаторжо — Марий Эл Республикын футбол федерацийже.
Фестиваль 24 июльышто «Дружба» стадионышто 8 шагатат 30 минутлан тӱҥалеш.
Тиде ийын турнир 2013-2014 ийлаште шочшо эрге-влакым да 2014 ийыште шочшо ӱдыр-влакым чумыра.
Фестивальыште оксам тӱлыде участвоватлаш лиеш. Заявкым 22 июль марте пуэн шуктыман. Кажне участникым пӧлек вуча. Россий футболын легендыже Александр Филимонов дене фотом ышташ да автографшым налаш йӧн лиеш.
«Большие звёзды светят малым» калык кокласе фестиваль самырык коклаште эн уста модшым муаш, йоча футболым вияҥдаш эртаралтеш.
