Марий Элым вуйлатыше Ю.Зайцев Запорожский областьыште колышо Наталья Кострован ача-аважлан да Павел эргыжлан Пироговын орденжым кучыктен.
Тыгай наградым профессионал долгым лӱддымын шуктымылан пуат.
Наталья Николаевна «передовойышто» лийын, тусо кундемыште улшо йоча-влакым эмлен. Но ик кечын черетан вызовыш кайымыж годым ӱмыржӧ вучыдымын кӱрылтын.
Н.Кострова 7 декабрьыште Запорожский областьыште корно туткар годым колен. Тудын индеш ияш эргыже кодын.