Икымше номердан ош тӱням ужмо деч вара 30 ий эртыме дене шокшын саламлем!
Республикысе самырык-влаклан «Кугарня» газет 1991 ий 5 июльышто шке пашажым тӱҥалын. Вияҥ толмо жапыштыже редакций марий калыкын йылмыжым да тӱвыражым арален кодымаште кугу пашам шуктен. 30 ий изданий республикын да финн-угор тӱнян социально-экономический, политический да мер илышыже, Российын тӱрлӧ регионыштыжо да йотэллаште илыше марий калык нерген воза.
Тӱрлӧ аланыште кугу сеҥымашыш шушо чолга самырык еҥ-влак нерген материалда эре ойыртемалтше улыт. Йоча да самырык тукымым шке шочмо элым йӧраташ, ушан-шотан лияш кумылаҥдеда, таза илыш-йӱлам кучаш да ийготыш шудымо ӱдыр-рвезе-влакым осал койыш деч кораҥаш ӱжыда.
30 ий жапыште «Кугарня» газет лудшо-влак коклаште кугу пагалымашым сулен. Газет редакцийын коллективше кугыеҥ-влакын сеҥымашыштым акла да пагала, йӱлам арала да республикын волгыдо ончыкылыкшо верч тырша.
Тек газетда эре тыгаяк оҥай да шуко лудшан лиеш!
Газет коллективлан пеҥгыде тазалыкым, оптимизм шӱлышым да чыла сайым тыланем!
Марий Эл Республикым вуйлатыше
А.А.ЕВСТИФЕЕВ.