Марий Элысе «Движение Первых» толкынын активистше-влак Мӱндыр Эрвелне канат.
«Океан» рӱдерыште кызыт эртаралтше «Хранители истории» сменыш Йошкар-Ола гыч куд тунемше ушнен. Школьник-влакым архивысе документ-влак дене палдарат, нуно тыгак исторический данный-влакым шымлат, оҥай еҥ-влак дене вашлийыт, рӱдерын тоштер экспозицийжылан экспонат ден арт-объектым шке ямдылат, Российын историйже дене кылдалтше видеопроект-влакым ямдылат. Ӱдыр-рвезе-шамычлан экскурсий, модмаш, патриотизм шӱлышан квестым ямдыленыт.
Образований да науко министерствын ВК-се тӱшкаж гыч налме фото.