1 апрельыште Э.Сапаев лӱмеш опер да балет академический театрыште руш балерине Г.Уланова лӱмеш XXI балетный фестиваль почылтын.
Ты да вес кечынже Л.Минкусын «Дон Кихот» уэмдыме спектакльжым ончыктымо. Тылеч посна ты авторын «Баядерка» балетшым 8 апрельыште ужаш лиеш. 6 апрельыште П.Чайковскийын «Лебединое озеро» спектакльжым ончыктеныт. Фестивальын репертуарыштыже А.Аданын «Жизель» ден «Корсар» балетше-влакат улыт. Ончычсо семынак тушто Российысе лӱмлӧ театрласе артист ден балерине-влак тӱрлӧ рольышто модыт.
А 11 да 12 апрельыште Пошкырт опер да балет театр кок спектакль дене куандара: В.Купцовын «Аленький цветочек» ден А.Меликовын «Легенда о любви».