14 февральыште Чарла кремльыште «Сретенские забавы» мероприятий эртаралтын.
Погынышо-влаклан 12 площадке пашам ыштен. У Торъял район Элембай ялысе богатырский заставе упш да перчатке дене кредалаш темлен, Йошкар-Оласе «Ушкуй» реконструкторский клуб мушкындо да керде дене таҥасаш ӱжын. «Царёв город» фольклор ушем калык модыш дене модаш, гармонь почеш мурен-кушташ таратен. Тыгак уна-влакым самовар чай да калач дене сийленыт.
Шкешотан пайремыш оласе тӱрлӧ вузышто, колледжыште да училищыште тунемше-влак погыненыт. Тидыже самырык-влакын каныш кечышт оҥайын да пайдалын эртыже манын ышталтеш.
«Сретенские забавы» мероприятий кажне ийын лиеш. Тений Александр Невскийын шочмыжлан 800 ий теммылан пӧлеклалтын.